今日係舅父生日....生日快樂呀!!^^

我被迫帶住3個飯盒返公司...= =好重呀><

早餐係麵線蛋...我鄉下生日係要食麵線蛋架...我生日果陣都係食呢d...

今日好忙好多野做....因為要執上大陸既貨...

不幸地俾我見到隻蜘蛛....好鬼死驚...即刻搵啊達黎搞掂佢...

點知個啊達整跌隻蜘蛛落黎...唔知佢爬左去邊...

隔左一陣...隻蜘蛛由天花板跌左落黎我個紙巾盒度...

我見到梗係大叫啦....點知啊恩好鬼死man...走過黎踩死佢....

不過佢踩完就走左...留返條屍俾我...><

返到屋企後...張sir打俾我呀...問關於miss楊既事...

其實miss同我地練果日我都好想問佢做咩手術架啦...不過唔敢問呀...><

死啦...好驚miss楊會有咩事添...T.T...希望佢冇事啦...

今朝早落雨...落到樓下見到17M好多人排隊...條龍勁長...= =

咁我就走左去搭98A...點知塞車喎...返到公司已經9點半lu...

返到去既時候...舅父已經到左公司啦...><

今日都係做果d野...計下數...開下check..寫下courier...

下午婆婆又黎左帶飯俾我食...^^

跟住就睇我外母唔係人...好好睇呀...鍾嘉欣有份做架...

2點鐘lunch time完lu...又開始做野啦...

之後舅父就叫我去銀行攞15,000...

果陣熱鬼死我呀><差d唔識路...= =

返到黎..又好空閒...同karen msn..

收工後去新都城搵媽媽...之後就黎屋企啦....

返左三日工...都好似乜都唔識咁...

今日一朝早9點鐘返到公司...一個人都冇...

得我一個係度聽電話...>﹏<

我發覺自己有聽電話恐懼症...唔知點解聽電話時會好緊張好驚...

有個講普通話既人打黎...我同佢好似雞同鴨講咁...

我明明識講架...但係聽果陣個腦塞住曬...乜都諗唔到...= =

鈴鈴鈴...一朝早電話不停咁響...聽日唔咁早返啦....

舅父返黎果陣...已經10點幾啦...問我ID Tech既invoice開左未...我當然答唔到...

我有學過開invoice架啵...但係點解又無啦啦失左憶...我究竟有咩問題呀??

間歇性失憶嗎...???點解我好似做咩都咁唔順利咁既...覺得自己好冇用...><

下午果陣就好空閒啦...因為乜都唔識...冇人會叫我做野...唯有同人msn啦..

之後同左karen去銀行入票...點知俾d銀行姐姐問我係咪karen個細妹...啞左...=0=

返公司前買左個tiramisu食...食食下肚痛...

返屋企時...搭巴士...勁頭痛...返到屋企仲嘔添...今日好黑女呀><

今日第二日返工...學打報價單...

因為我公司係做印刷既...所以周不時都要搵d貨版俾人睇...

搵下搵下..俾我發現5月號既中大學生報...

原來我公司都有幫中大印報紙架啵...= =

今日都好無聊...好空閒...皆因我乜都唔識呀麻...

Lunch time落左樓下買鳳爪排骨飯...

返到上去同karen睇碟...講蜘蛛既...唔知點解d蜘蛛隱形既...

不過好恐怖喎...嚇到karen大叫...仲俾我舅父玩添..呵呵...

今日買左部新電話喔...雖然唔係咩大牌子...不過我好鐘意..^^

跟住係新都城既台灣牛肉麵食晚飯..之後就返歸lu....

今日第一日返工...感覺不錯...

第一個返到公司...第一個收工...^^

返到去既時候...電話響起...

我唔知拎起電話應該點講..當我拎起電話時已經收左線...= =

不過好彩有個好nice既姐姐教我...^^果個姐姐叫karen

karen姐姐就教我做好多野...真係好感激佢肯教我...>﹏<

跟住下午既時候...婆婆帶左午餐黎俾我食...

果個姐姐話可以開msn黎玩...咁我就梗係學佢偷懶開msn啦...

跟住佢又跟手拎部NDS出黎玩...啞曬...=0=

之後佢叫我計下d數岩唔岩...我禁部計算機..禁到隻手好攰...

收左工之後..就同媽媽去新都城買電話...

我想要果部冇曬貨...><聽日先有...= ="